موضوع "باص للجنة وباص للنار "
 

السلام عليكم ورحمه الله وبركاته
أريد فتوى لموضوع منتشر بالمنتديات وأتمنى الرد بسرعة
لأن هناك من يعتقد أنه ليس استهزاء بنشر الموضوع والضحك عليه
وهذا الموضوع
====
جلس ذلك الرجل على السرير الأبيض ... في إحدى المستشفيات في الخليج وكان كل جسمه شاش ورجلينه كلها جبس وما تسمع إلا آهـ وأوه وأي وما أدري شو مغير يون من الأوجاع اللي فيه عاد أنا قلت يمكن أنه مسوي حادث قوي أو إنه محترق أو أو أو
... إلخ المهم جت الساعة 4 العصر وبدأ وقت الزيارة أنا استغربت من شيء كل من جاء يزور هالشخص يطلع من عنده ميت من الضحك أنا جاني الفضول وقلت وش السالفة وعلى هالحال كل من جاء وسلم عليه ما تسمع إلا ضحكهم من وراء الستاير أنا قلت لازم أعرف وش السالفة انتهى وقت الزيارة وانقز له على طول واتشافا له وأقوله
الحمد لله على السلامة عسى ما شر وأنا كل همي أعرف ليش يضحكون : المهم قلت له:
أنا أشوف اللي يجونك ما يروحون من عندك إلا و ضحكهم واصل آخر المستشفى .... قال
لي : هه ليـش عاد أنت حاسدنا على الضحكة ... قلت له : لا يـا أخوي
والله لو عندك مليون كان يمكن أحسدك! ... بس اضحكوا عادي خذوا راحتكم بس بغيت أعرف السر يعني ... إذا ما عندك مانع .... قال لي : طيـب ولا يهمك ... أنت مثل ما تشوفني مكسر ومربط بالشاش .... قلت له : هيه والله ... الله يشفيك ... قال لي : يا طويل العمر أنا ساكن في شقة في الدور الثاني ... وعندي بلكونه ما من زيـنها .... وإذا نمت فتحت باب البلكونه .. وطفيـت النور ... وتسدحت على السرير ويوم نمت على السرير ... وغصت في أعماق أعماق نومي ... حلمت إني في يوم القيامة ... وحلمت مثل ما تقول أن الناس في مكان مثل موقف الباصات وفيه باصات رايحة للجنة وباصات رايحة للنار !!! .... المهم الجماعة ينادون بالإسامي ..
فلان بن فلانة باص النار .... فلان بن فلانة باص الجنة .. وهكذا فلان بن فلانة
.... هه هذا اسمي ... وقلبي يـدق و يـدق... روح باص الجنة .....
اووووووووووووه الحمد لله ارتحت ومشيـت أدور على الباص اللي مكتوب عليه إلى الجنة وحصلته ودخلت فيه .... مشيـنا بالباص وبعد فترة جاتنا لوحه مكتوب عليها (الجنة 50 كيلوا) (النار 100 كيلوا ) وهذا وحنا مع اللوحات .. والله
ونتعدى الجنه ... قلت يمكن السواق يـعرف مكان لباب ثاني .... شوي وشفت النار
15 كيلوا ... وبعد شوي النار 10 كيلوا ... وكل شوي نقرب من النار .... يا رجال
وش السالفة .. المشكلة الناس ساكتيـن وما حد قلق في الباص إلا أنا .....قلت بدخل عالسواق وشفته معطيني ظهره .... إيـه إيـه أنت وين رايح ؟!
... قال لي بدون ما يلتفت : رايح النار يا حبيبي ...... قلت له : ويـش أنا من أهل الجنة .. وليـش توديني النار يا وجه النحس !!!.... والتفت لي ... طلع هو إبليس !!! .. الله يلعنك ... أنا من أهل الجنة .. يا ملعون لا توديني النار ..
أنا من أهل الجنة .... والله العظيم إني من أهل الجنة ... من شوي قايلين اسمي
... وقف يا ملعون .. وقف يا ملعون ... وهذا أنا أصورخ... وهو بأنواع الضحكات
الشريره هاهاهاهاها ... اهاهاهاهاهاهاهاهاها ..
.. قلت له يا ملعون وقف !!! أبي انزل !!! ... قال : والله الباص هذا مبرمج على أنه ما يوقف إلا في النار ... تبي تنزل أقفز منه .... وركضت على الباب وفتحته
... وهوب .. ولا وعيت إلا في المستشفى ... قافز من البلكونه ... في الحوش !!!!
القصة صحيحة ... وحصلت لواحد كان منوم في مستشفى المجمعة العام
أرجوا الرد بسرعة

http://al-ershaad.com/vb4/image/bsmlaa.gif

الجواب:
وعليكم السلام ورحمة الله وبركاته
وأعانك الله .

سمعت القصة من قَبْل ، وليس فيها شيء من الاستهزاء ، وصاحبها يحكي قصة رؤيا رآها في منامه ، إلاّ أن بعض القصص قد يُزاد فيها ما ليس منها .
.
فإن ثبتت القصة فهي قصة رؤيا ، والرؤى على ثلاثة أقسام : رؤيا حَقّ ، ومن الشيطان ، وحديث نَفْس ، كما جاء في الأحاديث .


والله أعلم .

المجيب الشيخ/ عبد الرحمن بن عبد الله السحيم
عضو مكتب الدعوة والإرشاد