[لكل حرف حكآية]

السلام عليكم ورحمة الله وبركاته
بارك الله فيكم شيخنا الكريم ونفع بكم ..

يا شيخ قبل فترة ما كان عندنا نت ، وأختي تدرس وتحتاج للنت لبحوثها وشغلها .. فـ سوّت الواي فاي وحطته ف البيت
عشان بحوثها و أشغالها .. وحطت ورقة على مودم النت كتبت فيها انها تبرئ نفسها من أي شي حرام ممكن يشوفونه أو يسمعونه اللي بالبيت .. بحيث انهم يقرونها و يعرفون ..

وهي لاحظت ان بعضهم مرات يشوفون مسلسل أو فلم أو يسمعون أغنية .. هل عليها اثم وذنب بهالحاله ؟ والا الورقة اللي على المودم تكفي و الاثم يكون على اللي يشوفون الحرام أو يسمعونه ..

هي تقول انها مسؤولة عن اللي هي تشوفه أو تسمعه والله بيحاسبها هي بس تخاف ان الباجين يشوفون شي حرام أو يسمعون ويكون عليها ذنبهم و إثمهم بعد بحكم انها هي اللي حطّت النت بالبيت ..

هي تقول انها فعلاً تحتاج للنت ونيّتها لما حطّته بالبيت عشان شغلها ودراستها ..
وتقول حتى لو حطّت رقم سري على الواي فاي بيطلبونه منها وبيسألونها كم الرقم ..
هي أهم شي عندها تبا تعرف هل هي تأثم اذا شافوا أو سمعوا هم أشياء محرمة ؟
واذا تأثم شو اللي لازم تسويه ؟

وعذراً على الإطالة
و يزاك الله كل خير